இந்திய கிரிக்கெட்டின் முன்னாள் கேப்டனும், நவீன இந்திய கிரிக்கெட்டின் முகமாகவும் போற்றப்படும் சவுரவ் கங்குலி வாழ்க்கையை மையமாகக் கொண்டு உருவாகி வரும் ‘தாதா – தி சவுரவ் கங்குலி ஸ்டோரி’ திரைப்படத்தின் ஃபர்ஸ்ட் லுக், அவரது பிறந்தநாளை முன்னிட்டு அதிகாரப்பூர்வமாக வெளியிடப்பட்டுள்ளது.
விளையாட்டை வெறும் விளையாடியவராக அல்லாமல், அதை மாற்றியமைத்த மனிதரின் அசாதாரணமான வாழ்க்கைப் பயணத்தை இப்படம் பதிவு செய்கிறது. திறமையான இளம் கிரிக்கெட் வீரராக தொடங்கி, இந்திய அணியின் மிகவும் செல்வாக்கு மிக்க கேப்டன்களில் ஒருவராக உயர்ந்த சவுரவ் கங்குலியின் பயணத்தையும், இந்திய கிரிக்கெட்டின் புதிய அத்தியாயத்தை உருவாக்கிய அவரது உறுதி, விடாமுயற்சி மற்றும் அசைக்க முடியாத நம்பிக்கையையும் இப்படம் கொண்டாடுகிறது. ஒரு தலைமுறையையே ஊக்குவித்த அவரது பாரம்பரியத்தையும் இப்படம் வெளிப்படுத்துகிறது.
சவுரவ் கங்குலியின் பிறந்தநாளை முன்னிட்டு வெளியிடப்பட்டுள்ள ஃபர்ஸ்ட் லுக் போஸ்டர், உலகம் முழுவதும் உள்ள கிரிக்கெட் ரசிகர்களிடையே பெரும் வரவேற்பைப் பெற்றுள்ளது. இதனுடன், இப்படம் 2027 மே 14-ஆம் தேதி, நீண்ட விடுமுறை வார இறுதியை முன்னிட்டு உலகம் முழுவதும் திரையரங்குகளில் வெளியாகும் என்றும் படக்குழு அதிகாரப்பூர்வமாக அறிவித்துள்ளது.
ஃபர்ஸ்ட் லுக் போஸ்டரில், 2002-ஆம் ஆண்டு NatWest Series இறுதிப்போட்டியில் இங்கிலாந்துக்கு எதிராக இந்தியா பெற்ற வரலாற்றுச் சிறப்புமிக்க வெற்றிக்குப் பிறகு, Lord’s Cricket Ground பால்கனியில் சவுரவ் கங்குலி தனது ஜெர்சியை சுழற்றி கொண்டாடிய மறக்க முடியாத தருணத்தை, நடிகர் ராஜ்குமார் ராவ் திரையில் மீண்டும் உயிர்ப்பித்துள்ளார். இந்திய கிரிக்கெட்டின் அச்சமற்ற புதிய யுகத்தின் அடையாளமாகக் கருதப்படும் அந்தக் கொண்டாட்டம், தன்னம்பிக்கை, துணிச்சல் மற்றும் எதிர்ப்பை மீறும் மனப்பாங்கின் நிலையான சின்னமாக இன்றளவும் நினைவுகூரப்படுகிறது.
இப்படத்தை விக்ரமாதித்யா மோத்வானே இயக்கியுள்ளார். லவ் ரஞ்சன் மற்றும் அங்கூர் கார்க் தயாரித்துள்ள இப்படத்தை, குல்ஷன் குமார், பூஷண் குமார், T-Series மற்றும் DBL இணைந்து வழங்குகின்றன. Luv Films தயாரிப்பில் உருவாகியுள்ள ‘தாதா – தி சவுரவ் கங்குலி ஸ்டோரி’, 2027 மே 14-ஆம் தேதி உலகம் முழுவதும் திரையரங்குகளில் வெளியாகிறது.