‘விஜயா புரொடக்க்ஷன்ஸ்’ தயாரிப்பில் விஜய் சேதுபதி நடிக்கும் புதிய படத்தின் படப்பிடிப்பு துவக்கம்

7

பாதாள பைரவி, மாயாபஜார், மிஸ்ஸியம்மா, எம்.ஜி.ஆர் நடித்த – எங்கவீட்டு பிள்ளை, நம்நாடு, ரஜினிகாந்த் நடித்த உழைப்பாளி, கமலஹாசன் நடித்த நம்மவர் மற்றும் தாமிரபரணி, படிக்காதவன், வேங்கை, வீரம், விஜயின் பைரவா உட்பட 60க்கும் மேற்பட்ட வெற்றிப்படங்களை தயாரித்த பழம்பெரும் பட நிறுவனம் பி.நாகிரெட்டியாரின் விஜயா புரொடக்ஷன்ஸ்.

பி.நாகிரெட்டியாரின் நல்லாசியுடன் பி.வெங்கட்ராம ரெட்டி வழங்க, விஜயா புரொடக்ஷன்ஸ் சார்பில் பி.பாரதி ரெட்டி தயாரிக்கும் புதிய படத்தை இயக்குனர் விஜய் சந்தர் இயக்குகிறார்.

பி.பாரதி ரெட்டிக்கு இது 6 வது படம்.

ஸ்கெட்ச் படத்தின் வெற்றிக்கு பிறகு விஜய் சந்தர் இந்த படத்தின் மூலம் முதன்முறையாக விஜய் சேதுபதியுடன் இணைகிறார்.

இப்படத்தில் விஜய்சேதுபதிக்கு ஜோடியாக நடிகை ராஷிக்கண்ணா மற்றும் நடிகை நிவேதா பெத்துராஜ் ஆகியோர் முதன்முதலாக ஜோடி சேருகிறார்கள்.

சுந்தரபாண்டியன், ரம்மி ஆகிய படங்களுக்கு பிறகு காமெடி நடிகர் சூரி 3வது முறையாக விஜய்சேதுபதியுடன் நடிக்கிறார்.

இவர்களுடன் இந்த படத்தில் நாசர் , அசுதோஷ் ராணா, ரவி கிஷான் , மொட்டை ராஜேந்திரன், மாரிமுத்து, ஜான் விஜய் மற்றும் ஸ்ரீமான் நடிக்கின்றனர்.

இந்த படத்திற்கு இளம் இசையமைப்பாளர்களான விவேக்-மெர்வின் இசையமைக்கிறார்கள்.

விவேக் சிவா மற்றும் மெர்வின் சாலமன் வடகறி படத்தில் அறிமுகமாகினர். அந்த படத்தின் பாடல்கள் நல்ல வரவேற்பை பெற்றது. அதனை தொடர்ந்து புகழ், டோரா, குலேபகாவலி ஆகிய படங்களில் இசையமைத்தனர். இவர்களின் இசையில் வெளிவந்த ஒரசாத பாடல் இளைஞர்களிடையே வேற லெவல் பாராட்டுக்களை பெற்றது.

ஒளிப்பதிவு ஆர். வேல்ராஜ், கலை இயக்கம் எம் .பிரபாகரன், சண்டை பயிற்சி அனல் அரசு, மற்றும் படத்தொகுப்பினை பிரவீன் கே.எல். மேற்கொள்கிறார்.

இந்த படத்தின் படப்பிடிப்பு பூஜையுடன் ஹைதராபாத்தில் தொடங்கியது.