ரன்பீர் கபூர், ஆலியா பட் நடிக்கும்  படம் 2027 ஜனவரி 21ஆம் தேதி ரிலீஸ்

‘Love & War’ படத்தில் விக்கி கௌஷலின் மாறுபட்ட தோற்றங்கள் – ரசிகர்களை கவரும் புதிய போஸ்டர்கள்

சஞ்சய் லீலா பன்சாலி இயக்கத்தில் ரன்பீர் கபூர், ஆலியா பட் மற்றும் விக்கி கௌஷல் இணைந்து நடிக்கும்  திரைப்படம் ‘Love & War’. இப்படத்தின் மீது ரசிகர்கள் மத்தியில் ஏற்கனவே பெரும் எதிர்பார்ப்பு நிலவி வரும் நிலையில், தற்போது விக்கி கௌஷலின் கதாபாத்திரத்தை அறிமுகப்படுத்தும் இரண்டு புதிய போஸ்டர்கள் வெளியாகியுள்ளன.

ஒரு போஸ்டரில் சிகரெட் மற்றும் லைட்டருடன் தீவிரமான பார்வையில் கம்பீரமாக தோன்றும் விக்கி கௌஷல், மற்றொரு போஸ்டரில் நீச்சல் குளத்தில் மலர்க்கொத்துடன் முற்றிலும் மாறுபட்ட தோற்றத்தில் காட்சியளிக்கிறார். அவரது இரு வேறுபட்ட தோற்றங்களும் ரசிகர்களிடையே ஆர்வத்தை ஏற்படுத்தியுள்ளன.

சஞ்சய் லீலா பன்சாலியுடன் விக்கி கௌஷல் முதன்முறையாக இணையும் இப்படம், அவரது இதுவரை பார்த்திராத புதிய பரிமாணத்தை வெளிப்படுத்தும் என எதிர்பார்க்கப்படுகிறது. ரன்பீர் கபூர் மற்றும் ஆலியா பட்டின் ஃபர்ஸ்ட் லுக் போஸ்டர்களைத் தொடர்ந்து, விக்கி கௌஷலின் போஸ்டர்களும் வெளியாகியுள்ளதால் படத்தின் மீதான எதிர்பார்ப்பு மேலும் அதிகரித்துள்ளது.

சஞ்சய் லீலா பன்சாலி இயக்கும் ‘Love & War’ திரைப்படம் 2027 ஜனவரி 21ஆம் தேதி உலகம் முழுவதும் இந்தி, தமிழ் மற்றும் தெலுங்கு மொழிகளில் வெளியாகிறது.