நிஜ வாழ்க்கையில் இணைந்த காதல் ஜோடி

நடிகர் அனந்த் ராம் மற்றும் நடிகை பிரிகிடா, அனந்த் ராமின் பிறந்தநாளை முன்னிட்டு சமூக வலைதளங்கள் மூலம் தங்களது காதல் உறவை அதிகாரப்பூர்வமாக அறிவித்துள்ளனர்.

எளிய பின்னணியில் இருந்து சினிமா கனவை நோக்கி பயணித்த இருவரும், கடின உழைப்பு, விடாமுயற்சி மற்றும் திறமையின் மூலம் இன்று தமிழ் திரையுலகில் வளர்ந்து வரும் இளம் நடிகர்களாக தங்களை நிலைநிறுத்தியுள்ளனர். சினிமா இவர்களை ஒன்றிணைத்ததோடு, அவர்களுக்கிடையேயான நட்பு காலப்போக்கில் காதலாக மலர்ந்துள்ளது.

ரசிகர்கள் மத்தியில் ‘மீசைய முறுக்கு தம்பி’ மற்றும் ‘பாவி டீச்சர்’ என்ற அடையாளங்களால் பிரபலமான இந்த ஜோடி, தற்போது தமிழ் திரையுலகின் புதிய நிஜ வாழ்க்கை காதல் ஜோடிகளில் ஒன்றாக இணைந்துள்ளது.

இவர்களுக்கு விரைவில் நிச்சயதார்த்தம் நடைபெறவுள்ளதாகவும், திருமண தேதி பின்னர் அதிகாரப்பூர்வமாக அறிவிக்கப்படும் என்றும் தெரிவிக்கப்பட்டுள்ளது.

தனிப்பட்ட வாழ்க்கையின் இந்த இனிய புதிய அத்தியாயத்தை தொடங்கியுள்ள அனந்த் ராம் மற்றும் பிரிகிடா, தமிழ் மற்றும் தெலுங்கு திரைப்படங்களில் பல புதிய படைப்புகளிலும் முழு கவனத்துடன் செயல்பட்டு வருகின்றனர்.

தங்களது இந்த புதிய வாழ்க்கைப் பயணத்திற்கு ரசிகர்கள் மற்றும் பொதுமக்களின் அன்பும், ஆதரவும், வாழ்த்துகளும் தொடர்ந்து கிடைக்க வேண்டும் என்று இருவரும் அன்புடன் கேட்டுக்கொண்டுள்ளனர்.